[:hy]Ավետ Գաբրիելյանի անվան արվեստի դպրոցը 45 տարեկան է[:]

By | 22.06.2016

[:hy]Երևանի քաղաքապետի տեղակալ Արամ Սուքիասյանը մայրաքաղաքի «Արամ Խաչատրյան» համերգասրահում մասնակցել է Ավետ Գաբրիելյանի անվան արվեստի դպրոցի հիմնադրման 45-ամյակին նվիրված հանդիսությանը: Միջոցառմանը ներկա են  գտնվել նաև քաղաքապետի գլխավոր խորհրդական Վանո Վարդանյանը և  Աջափնյակ վարչական շրջանի ղեկավար Արտավազդ Սարգսյանը:

Հանդիսավոր երեկոյի մեկնարկից առաջ բացվել է արվեստի դպրոցի աշակերտների նկարչական և խեցեգործական աշխատանքների ցուցահանդեսը: Երևանի քաղաքապետ Տարոն Մարգարյանի անունից ողջունելով և արվեստի դպրոցի 45 ամյակի առիթով շնորհավորելով ներկաներին` Արամ Սուքիասյանը նշել է, որ արվեստի դպրոցը ստեղծման օրից պատվով է կատարել իր առաքելությունը՝ կրթելով հարյուրավոր սաների, որոնցից շատերը հայաստանյան և միջազգային հեղինակավոր մրցույթներում ու փառատոներում մշտապես բարձր են պահել կրթօջախի պատիվը, ինչը նաև տարբեր տարիների այստեղ աշխատած արհեստավարժ մանկավարժների ջանքերի արդյունքն է: Արամ Սուքիասյանը համոզմունք է հայտնել, որ դպրոցի տնօրեն Գոհար Տոնոյանի գլխավորությամբ առաջիկայում կրթօջախը կընդլայնի արձանագրած նվաճումները: Քաղաքապետի տեղակալը ստեղծագործական նորանոր հաջողություններ է մաղթել դպրոցի հանրույթին և հատկանշել, որ Երևանի քաղաքապետարանն այսուհետ ևս իր լիազորությունների շրջանակում շարունակելու է համակողմանի աջակցություն ցուցաբերել քաղաքապետարանի ենթակայությամբ գործող մշակութային օջախներին: Այնուհետ կրթօջախի լավագույն  սաները հանդես են եկել համերգային ծրագրով:
Ավետ Գաբրիելյանի անվան արվեստի դպրոցի հիմնադրման 45-ամյակի առթիվ՝ երկարամյա արդյունավետ գործունեության և երեխաների գեղագիտական դաստիարակության համար դպրոցի փոխտնօրեն Նինա Եղիազարյանը պարգևատրվել է «Երևան քաղաքի պատվավոր մանկավարժ» հուշամեդալով: Հիմնադրման 45-ամյակի առթիվ, երկարամյա անձնվեր աշխատանքի և երեխաների գեղագիտական դաստիարակության համար Երևանի քաղաքապետի պատվոգրեր են շնորհվել դպրոցի դաշնամուրային բաժնի վարիչ Հասմիկ Զաքարյանին, լարային բաժնի վարիչ Ժաննա Մկրտչյանին և ժողովրդական նվագարանների բաժնի վարիչ Սամվել Երկնափեշյանին:

aram0de

Երևանի քաղաքապետարանի տեղեկատվության
և հասարակայնության հետ կապերի վարչություն[:]

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Նիկոլ Փաշինյանի հրաժարականի խոսքը

28.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով