[:hy]ԱՄՆ-ն Հնդկաստանին է վերադարձրել մոտ 100 մլն դոլարի արվեստի իրեր[:]

[:hy]

ԱՄՆ իշխանությունները Հնդկաստանին են վերադարձրել մաքսանենգ ճանապարհով երկրից դուրս բերված ավելի քան 200 արվեստի առարկա՝ շուրջ 100 մլն դոլար արժողության:

Այս մասին հայտնում է PTI գործակալությունը: Փոխանցման պաշտոնական արարողությունը կայացել է Վաշինգթոնում ՝ Հնդկաստանի վարչապետ Նարենդրա Մոդիի ներկայությամբ, որը երկրում է պաշտոնական այցով:

«Ոմանք այս իրերը գնահատում են դրանց գումարային արժեքով, բայց մեզ համար դրանք շատ ավելին են: Դրանք մեր մշակույթի, մեր ժառանգության մի մասն են»,- ասել է վարչապետը, փոխանցում է «ՌԻԱ Նովոստին»:

Վերադարձված առարկաներից են կրոնական արձաններ, բրոնզե ու փայտյա արձանիկներ, որոնցից մի քանիսն առնվազն երկու հազար տարեկան են: Դրանցից է օրինակ բանաստեղծ Մանիկկավասագարի արձանը, որն ապրել է մոտ 9-րդ դարում: Դրա արժեքը գնահատվում է կես միլիոն դոլար:

Արվեստի առարկաները վերադարձվել են ԱՄՆ ՆԳՆ գործողության շնորհիվ, որի աշխատակիցները դեռ 2007-ին էին սկսել հետաքննություն, երբ տեղեկություն էին ստացել ԱՄն ժամանած ապօրինի բեռի մասին: Բեռը պատկանում էր Սաբխաշ Կապուրին՝ Նյու Յորքում Արվեստի պատկերասրաահի նախկին սեփականատիրոջը: Հիմա Հնդկաստանում քննվում է նրա գործը:

45870

Artsakhpress[:]

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով