[:hy]ԱԱԾ-ում կառուցվածքային և կադրային փոփոխություններ են. աշխատելու պատվին կարժանանան «ընտրյալները». «Հրապարակ»[:]

[:hy]«Հրապարակ» օրաթերթը գրում է. «Մեր տեղեկություններով՝ Ազգային անվտանգության ծառայությունում կադրային եւ կառուցվածքային փոփոխություններ են ընթանում: Դեռ նախորդ շաբաթ, նախագահի հրամանագրով, Գարեգին Մխիթարյանն ազատվել էր ԱԱԾ տնoրենի տեղակալ-հետախուզության գլխավոր վարչության պետի պաշտոնից։ Ի դեպ, այս պաշտոնանկությունը եւս կապվում է ապրիլյան պատերազմի հետ։ Նրա փոխարեն նշանակվել է Ստեփան Մելքոնյանը: Նա նախկինում գլխավորում էր հակահետախուզության գլխավոր վարչությունը: Սա միակ պաշտոնանկությունը չէ ԱԱԾ-ում՝ դիմում է գրել նաեւ ԱԱԾ քննչական վարչության պետ, գնդապետ Մնացական Մարուքյանը: Լավատեղյակ աղբյուրից տեղեկացանք, որ Կուտոյանը մտադիր է քննչական վարչությունում ստեղծել նոր բաժին, որը կքննի կարեւոր, աղմկահարույց գործերը: Այն կգտնվի անմիջապես ԱԱԾ պետի կուրացիայի տակ, իսկ այդտեղ աշխատելու պատվին կարժանանան «ընտրյալները»: Շատ հնարավոր է, որ հին քննիչներից ոմանք չընդգրկվեն այդ բաժնում»:

0fdb28bf017a37854aa4216b4eafb2fc

Ավելի մանրամասն՝ թերթի այսօրվա համարում:[:]

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով