[:hy]Տեղի ունեցավ սիրիահայերի հիմնախնդիրները համակարգող միջգերատեսչական հանձնաժողովի նիստը[:]

By | 05.05.2016

[:hy]Մայիսի 5-ին ՀՀ սփյուռքի նախարար Հրանուշ Հակոբյանի ղեկավարությամբ տեղի ունեցավ Սիրիահայերի հիմնախնդիրները համակարգող միջգերատեսչական հանձնաժողովի հերթական նիստը:

Ողջունելով ներկաներին սփյուռքի նախարարը ցավով նշեց, որ նախորդ նիստից հետո ընկած ժամանակահատվածում տասնյակ զոհեր ենք ունեցել Սիրիայում, և ծանր կորուստներ Ղարաբաղյան մարտական գործողությունների ընթացքում:

Նիստը սկսելուց առաջ ՀՀ սփյուռքի նախարար Հրանուշ Հակոբյանի առաջարկով ներկաները 1 րոպե լռությամբ հարգեցին վերջին օրերին Սիրիայում և Լեռնային Ղարաբաղում զոհված մեր հայրենակիցների հիշատակը:

Երևանաբնակ սիրիահայերի սոցիալական աջակցության ծրագրերի մասին զեկուցումով հանդես եկավ Երևանի քաղաքապետարանի սոցիալական ապահովության վարչության պետ Ռուզաննա Զաքարյանը: Նա հանգամանորեն ներկայացրեց 2012- 2016թթ. երևանաբնակ սիրիահայերի սոցիալական խնդիրների լուծման ուղղությամբ կատարված աշխատանքները:

Սփյուռքի նախարարը գոհունակությամբ նշեց, որ զեկուցումը բավականին տպավորիչ էր և կարևորեց սիրիահայերի հարցերով զբաղվող բոլոր կազմակերպությունների համաձայնեցված, նպատակային և արդյուանավետ  աշխատանքը:

Սիրիահայերի հիմնախնդիրների  լուծման ուղղությամբ 2015 թվականին կատարված և 2016 թվականին նախատեսվող աշխատանքային ծրագրերը ներկայացրին «Հայաստան» համահայկական հիմնադրամի գործադիր տնօրենի խորհրդական Աիդա Խաչիկյանը, ՄԱԿ-ի Մանկական հիմնադրամի (UNICEF) հայաստանյան գրասենյակի ներկայացուցիչ Տանյա Ռադոչայը, ՀՀ մշակույթի նախարարության ժամանակակից արվեստի վարչության պետի տեղակալ Լիլյա Նիկոյանը, «Հայկական Կարիտաս» բարեսիրական ՀԿ –ի սիրիահայերի աջակցության ծրագրերի ղեկավար Լուսինե Ստեփանյանը:

Ամփոփելով նիստը՝ սփյուռքի նախարարը շնորհակալություն հայտնեց սիրիահայերի հարցերով զբաղվող կազմակերպություններին, արժևորեց Հայաստանի, Վրաստանի, Ռուսաստանի և Արևելյան Եվրոպայի կաթողիկեների առաջնորդ Ռաֆայել արք. Մինասյանի հոգածությունը սիրիական պատերազմի առաջին օրերից մեր հայրենակիցներին պատսպարելու, նրանց ինտեգրման, սոցիալական խնդիրները կարգավորելու ուղղությամբ կատարած աշխատանքը:

Անդրադառնալով սիրիահայ երեխաների ամառային հանգիստը կազմակերպելու հարցերին՝ նախարարը կոչ արեց գերատեսչություններին, հասարակական և բարեգործական կազմակերպություններին քայլեր ձեռնարկել այդ ուղղությամբ և հնարավություններ ստեղծել երեխաներին ճամբարներում տեղավորելու համար:

Նախարարը նշեց, որ հունիսի 22-24-ը Հայաստանում հյուրընկալվելու է Հռոմի Պապը, նախատեսվում է նաև հանդիպում սիրիահայերի հետ և պետք է հավուր պատշաճի կազկերպել այդ հանդիպումը:

Նիստի վերջում նախարարը նշեց. «ԱՄՆ կատարած աշխատանքային այցի շրջանակներում Նյու Յորքում հանդիպումներ եմ ունեցել փախստականների և միգրանտների հարցերով ՄԱԿ-ի Գլխավոր քարտուղարի հատուկ խորհրդականի տեղակալ Ֆ. Հոչիլդի և ՄԱԿ-ի փախստականների հարցով գերագույն հանձնակատարի Նյու Յորքի գրասենյակի տնօրեն Ն. Քելիի հետ, և պետք է ձեզ փոխանցեմ նրանց գոհունակությունը Հայաստանում սիրիահայերի խնդիրերի լուծման ուղղությամբ տարված աշխատանքների վերաբերյալ: Հայաստանը համարվում է փախստականներ ընդունող երկրի լավագույն օրինակ: Հայաստանը որպես դրական օրինակ ներկայացվելու է ՄԱԿ–ի Գլխավոր ասամբլեայի նիստում: Մենք պետք է շարունակենք նույն ձևաչափով առավել արդյունավետ աշխատել: Սիրիահայերը դարձել են մեր հասարակության լիիրավ անդամ և պետք նրանց ուժերը, գիտելիքները, հմտություններն օգտագործենք Հայաստանի զարգացման, սոցիալ-տնտեսական խնդիրները հաղթահարելու գործում»:

hr4[:]

«Ահա և հարցի պատասխանը, թե երկու օր շարունակ ու՞ր էր կորել Նիկոլ Փաշինյանը».Միհրան Հակոբյան

22.03.2020

«Փաշինյան Նիկոլ ժողովուրդը ո’չ թե մերժեց Սերժ Սարգսյանին, այլ հավատաց տարիներ շարունակ սերմանած ձեր ստերին ու կեղծիքներին».Գարիկ Ուրումյան

19.03.2020

Պետական գաղտնիքի բացահայտում VS չմտածված վրիպում

20.03.2020

Կորոնավիրուս-ի դեմ պայքարը իր տրամաբանական ավարտին է սկսում մոտենա

18.03.2020

Պարետը ցուցում-ուղեցույց է տարածել

20.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով